Día Internacional dos Monumentos e Lugares Históricos

Esta celebración foi proposta polo Consello Internacional dos Monumentos e Lugares Históricos (ICOMOS) o 18 de abril de 1982 e aprobado pola Asemblea Xeral da UNESCO en 1983. O seu fin é promover a toma de conciencia sobre a diversidade do patrimonio cultural da humanidade, da súa vulnerabilidade e dos esforzos que require para a súa protección e conservación.

Cada ano é dedicado a unha temática diferente. Neste 2013 o tema escollido é O Patrimonio da Educación, incluíndo nesta denominación todo tipo de ben  patrimonial que, no marco da diversidade cultural mundial, están relacionados coa educación. Os  comités nacionais do ICOMOS están invitados a organizar manifestacións relacionadas con esta data tan importante: xornadas, conferencias, notas de prensa, paneis, visitas a bens patrimoniais, etc. 

En Galicia contamos cun magnífico Museo que recolle os obxectivos do ICOMOS deste ano. O Museo Pedagóxico de Galicia (MUPEGA) é o centro destinado a recuperar, salvagardar, estudar, mostrar e difundir todas aquelas expresións educativas que poñan de manifesto a variedade e riqueza do patrimonio pedagóxico de Galica, posibilitando así a súa catalogación, sistematización e custodia. Deste xeito, asegurarase a súa permanencia no tempo, fomentarase a súa indagación científica e propiciarase a súa transmisión como legado vivo e en emerxencia continua ao acervo cultural de Galicia.

Propostas de interese relacionadas:

• Os museos estatais serán gratuítos o 18 de abril sumándose á celebración desta data
• Bens de interese cultural inscritos no Inventario Xeral do Patrimonio Cultural de Galicia (a 1 de outubro de 2012)
• Patrimonio Galego: un proxecto colectivo para inventariar todo o patrimonio cultural galego
• Recomendacións para o acceso ao Patrimonio Moble de Galicia propostas pola Comisión Técnica Temporal para o Acceso ao Patrimonio Moble de Galicia do Consello da Cultura Galega. 

Advertisement

Foro Internacional de Espazos para a Cultura: a araña na rede

Do 7 ao 9 de novembro terá lugar o II Foro Internacional de Espazos para a Cultura no Centro de Innovación Cultural da Cidade da Cultura de Galicia.

• Inscripción
• Programa
• Relatores

Día Internacional dos Museos 2012

En 1977 o Consello Internacional de Museos (ICOM) acordou dedicar o día 18 de maio a que os museos se acheguen ao público e á sociedade e dar a coñecer os museos como unha institución ao servizo da sociedade e o seu desenvolvemento. Os Museos son un importante instrumento para o intercambio cultural, o enriquecemento das culturas e o avance do mutuo entendemento, da cooperación e da paz entre os pobos.

A celebración do Día Internacional dos Museos é un motivo para propiciar as iniciativas destinadas ao público, intentando ademais dirixir a atención das institucións das que dependen y dos gobernos cara as funcións e necesidades dos museos, e incrementar o diálogo entre os profesionais e as distintas disciplinas ou especialidades.

O tema deste ano é: Museos nun mundo cambiante. Novos retos, novas inspiracións. Recoñece que as institucións adoptan unha conduta interpretativa e movense nun medio cada vez máis fluído. Cada un esforzase por lograr obxectivos, por ter intereses diferentes e atraer a visitantes diversos. Pero a necesidad de prosperidade frente a estes cambios une a todas as institucións, grandes ou pequenas. Así, o DIM 2012 concéntrase tanto no crecemento dos museos e a construción do seu futuro, como en cuestións como o cambio climático ou os novos medios de comunicación electrónicos.

A sección española do Consello Internacional dos Museos ofrece un seguimento das actividades que se poden consultar desde o seu Twitter e Facebook. Propoñen a utilización do hashtag #DIM2012 para o seguimento das actividades deste día.

As institucións que realizan actividades de celebración poden incorporalas á Enquisa sobre o Día Internacional dos Museos 2012.

En Galicia A Asociación Amigos dos Museos de Galicia entregarán ese día o Premio Pedra do Destino 2012 á salvagarda do patrimonio cultural galego.