Siguésnos nas redes sociais, recibes información sobre Bamad e as súas actividades através de outras persoas…? Este é o momento de te asociares.
Motivos para Asociarse a BAMAD Galicia
Pola Formación:
O noso programa contempla a realización de media ducia de actividades formativas ao ano con descontos, e algunha gratuíta, para persoas asociadas.
Ademais as persoas asociadas a Bamad Galicia poderán contar con descontos de socios nas actividades formativas das asociación federadas en Fesabid e na CAA (Coordinadora de Asociacións de Arquiveiros).
Pola Información:
Realizamos seguimento periódico das noticias que nos afectan: convocatorias de oposicións, noticias de interese, lexislación… Noticias que difundimos entre as persoas asociadas.
Pola Defensa da Profesión:
Porque estamos pendentes de que se cumpran as leis. Opinamos sobre decisións tomadas polos organismos públicos e dirixímonos ás institucións cando é necesario opinar, reclamar ou suxerir sobre asuntos que nos afectan.
Pola Forza:
Porque xuntos temos máis forza á hora de poder ofertar máis e mellores servizos e para podermos facer unha mellor defensa da profesión.
Asóciate!
Podes asociarte neste formulario. O custe anual da cota normal é 60€ e de 30€ para persoas desempregadas.
E se isto non che convence podes enviarnos as túas suxestións sobre como mellorarmos a anabadgalicia@mundo-r.com ou administracion@anabadgalicia.net
E se xa és unha persoa asociada, podes enviarlle esta información a persoas coñecidas e amizades que poidan ter interese en formar parte de BAMAD Galicia.
Anímate a participar!
BAMAD Galicia 