Presentamos a Memoria anual de actividades de ANABAD-Galicia correspondente ao ano 2012. Dámos conta da situación actual en canto á estrutura organizativa, actividades realizadas e ao programa de formación levado a cabo.
Os esforzos estiveron dirixidos a consolidar a comunicación coas persoas asociadas, intentamos que as vías de contacto aumenten e que a información se manteña ao longo de todo o ano. A canle de contacto escollida para informar foi o correo electrónico.
Utilizamos outras vías para que a asociación adquira maior presenza social e neste campo salientamos a consolidación do uso da internet e das redes sociais e a maior presenza pública mediante a difusión de comunicados e a súa repercusión nos medios de comunicación.
Aumentamos as actividades nas que participou e colaborou a asociación con colectivos do noso ámbito.
Seguimos realizando actividades formativas que sempre foron obxectivo prioritario da nosa asociación, buscando sempre a calidade e a actualización dos profesionais.
Neste ano quedou pendente a consolidación dos grupos de traballo que intentaremos retomar para este ano 2013.
Tamén intentaremos contar cunha maior participación dos socios nas ferramentas de comunicación para que o seu funcionamento sexa máis dinámico.
Non podemos deixar de sinalar tampouco que este ano se produciu unha baixada do número total de persoas asociadas. Aínda que houbo novas incorporacións o número de baixas foi maior. Debemos intentar incorporar a máis profesionais, aínda que os tempos non son bos cremos que o asociacionismo é a vía para defender os nosos intereses profesionais.
Preme na imaxe para descarregar a Memoria
BAMAD Galicia 