COMUNICADO DE ANABAD-GALICIA ANTE O PECHE DA BIBLIOTECA DE AGOLADA
A Asociación ANABAD-Galicia que agrupa os profesionais dos servizos de arquivos, bibliotecas e centros de documentación de Galicia, quere manifestar a súa oposición ao peche da Biblioteca Municipal de Agolada.
Imaxe: La Voz de Galicia 25/06/12
A crise económica que estamos a sufrir determina que as administración públicas, para facerlle fronte, tomen decisión que están a afectar seriamente a todos os ámbitos, e especialmente ao eido da cultura, con incidencia directa nos arquivos, bibliotecas e museos.
Nestes días o concello de Agolada pecha a biblioteca, entre outras medidas, para poder acollerse ao plan de provedores.
ANABAD-Galicia desexa chamar á reflexión ao Concello de Agolada, e que teña presente que desmontar a biblioteca ten un custo social moi importante, xa que este tipo de centro público presta servizos aos cidadáns, facilitando o acceso á información e á formación, e contribúen á igualdade de oportunidades.
Entendemos que, aínda en época de crise, hai certos servizos culturais que deben ser de atención preferente, e non se deben descoidar, posto que teñen unha importancia capital para as comunidades ás que serven, como elemento dinamizador e nivelador das diferenzas.
Polo tanto, reclamamos dese Concello un esforzo para manter aberta a biblioteca, porque, nestes tempos, tampouco debemos manexar soamente criterios de custo económico senón tamén os de valor social e aproveitamento colectivo.
Na Coruña a 20 de Xuño de 2012
A Xunta Directiva de ANABAD-Galicia
O grupo Bibliotecarios Gallegos Indignados, en Facebook, lanzaron unha campaña de recollida de sinaturas a través de Change.org: Alcalde de Agolada (Pontevedra): Evita el cierre de la biblioteca
BAMAD Galicia 
Pingback: 45 Bibliotecas “desaparecidas” en Galicia |
Pingback: Outra biblioteca pechada na Galiza, agora toca na Golada
GRACIÑAS POLO VOSO APOIO E MOTIVACIÓN, polos vosos correos e escritos.
Unha aperta
Pingback: CONSEGUIDO, la Biblioteca de Agolada (Pontevedra) tendrá otra oportunidad. | No al préstamo de pago en bibliotecas
Muchas gracias por vuestro post. Y no os olvideis que al final de nuestra pequeña lucha están los usuarios de los servicios públicos a los que nos debemos.
Tedes que perdoar. Quedárame na data. Acabo de ver que xa incluírades a ligazón! Saúdos de novo
Ola, amigos de Anabad. Na plataforma de Change (antiga Actuable) hai aloxada unha recollida de firmas contra o peche da biblioteca de Agolada. Convídovos a unirvos á petición. Saúdos. http://www.change.org/es/peticiones/alcalde-de-agolada-pontevedra-evita-el-cierre-de-la-biblioteca