Benvidos ao novo sitio na Internet de ANABAD-Galicia
Queremos presentarvos a nova proposta de Anabad para ter unha presenza máis activa na rede e contribuír a dinamizar a nosa Asociación.
Novas ferramentas de comunicación:
Novo blog:
O obxectivo de Anabad-Galicia é poder dar máis e mellores servizos aos nosos asociados e por iso comezamos unha nova etapa na que nos despedimos do blogue creado en Blogspot e migramos a WordPress, que nos posibilita ofertar unha mellor comunicación, sobre todo, no que respecta á difusión e integración nas redes sociais.
Ao visitar o blogue podese observar unha nova estrutura informativa con páxinas nas que se organiza a información da Asociación e, ademais, permite ofrecer novas opcións dándolle ao blogue unha presentación máis eficaz que permite buscar e navegar polos contidos. Cada post poderá ser comentado, valorado polos lectores e difundido nas redes sociais.
O blogue tamén conta cunha área privada para acceso exclusivo dos asociados.
Recuperación do dominio:
Co lanzamento do novo blogue queremos tamén recuperar o dominio da asociación: http://anabadgalicia.net que pasa desde este momento a ser o noso enderezo en internet para ter presenza co noso propio nome. Como enderezo secundario teremos o asociado a WordPress: https://anabadgalicia.wordpress.com
Novas ferramentas:
Newsletter:
ANABAD-Galicia mantén a proposta de publicación dun boletín informativo de difusión pública. Xunto a este boletín iníciase a publicación dun novo newsletter, sen periodicidade definida, que se dirixirá especificamente ás persoas asociadas.
Google Apps:
Moitos dos novos servizos que ofertamos son derivados do aloxamento en Google Apps que nos permite acceder a contas de correo, grupos e listas de distribución, documentos…
Listas de distribución: créanse novas listas de distribución:
- unha específica para os asociados na que se poderá realizar comunicados e difundir información entre asociados. Daráselle prioridade a publicar nesta lista antes de facer públicas a información publicada en aberto. Nun correo de presentación a través desta lista explicarase o seu funcionamento.
- Outra lista xeral: de difusión pública, aberta a todas aquelas persoas que desexen recibir información de ANABAD-Galicia.
- Pódense crear novas listas de distribución para aqueles grupos de traballo que se podan constituír.
Documentos:
En Google Docs poderemos aloxar documentos públicos pero tamén realizar espazos privados para a directiva e os grupos de traballo e aqueles documentos que só sexan accesibles para os asociados.
Email: traballar con google apps tamén nos permite crear moitas contas de correo asociadas ao noso dominio de anabadgalicia.net.
Participación:
Estes cambios tamén queren ser un chamamento á participación na Asociación. As novas ferramentas non son unidireccionais, pretenden recoller o voso apoio, os vosos comentarios, propostas, etc. Existen diversas formas de colaboración:
- Visita o blogue con frecuencia
- Escribe no blogue: queres ser autor? podes escribir sobre aqueles temas que podan interesar á profesión
- Comenta e valora as noticias: participa dando a túa opinión, valora as noticias.
- Difunde os contidos nas túas redes sociais
- Propón a creación dalgún grupo de traballo…
… e todas aquelas maneiras que consideres oportunas.
Redes sociais:
Por último e como complemento a todo o anterior lanzamos o perfil da Asociación en Twitter e en Facebook. Síguenos!
Twitter: @Anabad_Galicia
Facebook: http://www.facebook.com/pages/ANABAD-Galicia/186568964732868
Un saúdo da Directiva de ANABAD-Galicia
BAMAD Galicia 